U zgjodh Kryetari i ri i KPUK-ut
Kuvendi Vjetor i KPUK-ut përmbylli në mënyrë të suksesshme punimet e veta.
Anëtarët e KPUK-ut të përfaqësuar në Kuvend, mes tjerash, me shumicë votash nxorën edhe këto vendime:
- Miratuan Raportin e Kryetarit të deritanishëm të KPUK-ut;
- Miratuan buxhetin për vitin e ri fiskal;
- Miratuan amendamentimet në Statutin dhe Aktet Nënligjore të KPUK-ut;
- Zgjodhën Këshillin e ri drejtues prej shtatë anëtarësh
- Zgjodhën Kryetarin e ri të KPUK-ut.
Kuvendi i KPUK-ut vendosi t’ia besojë këtë detyrë Pastor Dr. Femi Cakollit.
Biografi e kryetarit tё KPUK-ut:
Femi Cakolli, u lind më 1 mars 1969, në fshatin Krilevë të komunës së Kamenicës.
Shkollimin fillor e mbaroi nё fshat, kurse gjimnazin nё Kamenicё.
Prej vitit 1990-1992, ai ishte kryetar i Shoqërisë Kulturore “Albana” në Kamenicë.
Në besimin e krishterë u kthye më 15 mars 1992.
Prej vitit 1994, ai është pastor i Kishës “Bashkësia Ungjillore e Mesisë”.
Më 1995 diplomoi në Universitetin e Prishtinës, në degën e letërsisë shqipe.
Prej vitit 1997, ai është editor i Shtëpisë Botuese “Tenda” dhe kryeredaktor i revistës “Letra e Gjallë”.
Më 1999 u martua me Belkize Kryeziun nga Prizreni. Tani ata kanë tre fëmijë: Elira, Sioni dhe Jerina.
Më 2002 mbrojti tezën e magjistraturës me titull “Kodi biblik në letërsinë shqiptare”.
Më 2006 mbrojti tezën e doktoratës me temë “Hiperteksti biblik në letërsinë e Kosovës”.
Veprat e botuara:
1. Kodi biblik në letërsinë shqiptare (kritikë)
2. Pamfletet e mia krishtere (doktrinë)
3. Hiperteksti biblik në letërsinë e Kosovës (kritikë)
4. Mish fryme (poezi)
| < Paraprake | Pasuese > |
|---|
